[生活哲學]001.熱血的堅持,無課金戰士

今次講哲學!!!!!!

各位看倌唔好走住,需然我係講哲學,但本人唔係係大學讀哲學,所以我講既哲學唔會係深好悶……應該

而且我相信如果本身係學術界出身,會覺得我講既野係旁門左道添!

我不會同你講解不同的哲學,唔係我唔識,係因為太悶。
而更重要既係,我同你分析再多唔同既哲學概念,唔識用又有咩意思?

無論哲學、知識什至功夫都係一樣,學再多係冇用,實用性係最重要。

今次亦都可以話係半回應MD既[無病呻吟] 從 PUZZLE & DRAGON 看人生。所以大家有興趣既可以睇埋MD篇野。

MD篇野其實就已經係生活哲學既入門,從一見事反思人生,從而得到更好既生活方式或態度。

好,我一樣由開GAME一抽開始。

我地就假設人生冇TAKE TWO,此GME亦無可能RESTART。

但我想話,一抽中神又點呢?難度你一開始就夠COST用?

正如你出世係含啦住金鎖匙出世定係合住支煙出世,你都係食奶大既啦。

媽媽點解我咩都冇得含既?

你老豆有廿幾億又點??你估一出世就識用咩?最多咪保到你有三餐溫飽??

當然你可能會反駁我咁你屋企窮到你老母冇奶水養你,丟你去荒山野嶺比野獸食Q左點攪呀??

咁你要諗到咁極端我都真係冇你辦法……但……

你諗呢D黎做咩尻先,你睇得到呢篇文我都幾肯定你唔會有呢類型經歷先啦!

如果讀者你真係有呢種經歷…………我好想認識你!!!!!



天生起跑線有優勢唔代表你玩哂,你冇能力比你做官都只係公公,無能用!!

我就係一個唔知一抽可以無限復活既人,我一抽只係出星旦。

但好快就超越同期玩既朋友,佢地一抽什至好快抽到好多神。

係我挑戰到雙周活動既超級(彩色龍打佢四五個鍾咁)~佢地上級都未打到,要我教番佢地玩。

原因係邊?我唔會教你坦然面對,坦然面對自己挑唔到機有咩用???
要挑機就從孫子兵法既基礎開始………知己知彼!!

1.我熟遊戲規則

2.因此我可以用有限資源去嘗試挑機

3.我肯花時間去挑機

終於我打到第一隻似樣既怪滅之機龍………頂你果肺~50COST我點用呀!!

於是我繼續打~亦由於我一早越級挑戰,習慣打逆境波我,到我抽到第一隻神,火羅馬神時,對我而言簡直如虎添翼。

係呢個時候,我果班抽到好多神,但由於三心兩意唔知升咩先既朋友,仲係度嘗試打上級。

記住幸運同成功係無關係,幸運只影響你既局部形勢既優劣,成功失敗仍取決於你點應對。

首先第一應對既係挑戰同擇日再戰,前者就行之前三點,後者,

4.下一戰既目標資料

5.了解自己既資源分配

6.養兵及補給不足

這就是我基本想講既六點,基本上做人打機都係咁~

我係無課金戰士,生活同打機都係一樣~

生活上我無金主,打機我更加唔會比錢……(窮……)

孫子兵法知己知彼係我教大家既第一課……

生活上我地會遇到困難,人地比你或自找的……

係呢個時候我地要做既係頭兩點,先後冇所謂,但基於人類視點是對外關係,我一般都是

1.了解事件(例:數學要先解題、工作要了解你要做D咩、煮食要知佢用咩食材)

2.自己既資源同實力(例:數學你識四質運算,咁代分數呢?小數位計算呢?精算?工作上你有咩技能同資源?英語?電工?扳手?筆?煮食你又有咩食材?你識D咩煮法?)

之後係3同4,繼續定撤退

3.挑戰(例:數學你已經知道大約用咩算式去計就係時間問題、工作你相關技術或看似可以一試,有時資源差DD,咁可唔可以用其他方法代替?煮食,你唔識蒸,可唔可以用其他方法?如果冇某D配料,用其他野頂住又得唔得??)

4.撤退,

最後無論你係 3定4.最好同時了解到自己欠缺什麼,及找定下一個挑戰目標~之後

5.了解自己既資源或技能有咩不足同改善空間

6.學習或練習去增強自己既技術,補給資源不足

一個人只要學會及習慣進入這個循環,人就能不斷成長,只要你唔放棄,有冇金主,用唔用課金有咩關係?赫拉大泥棒算係D咩?遲早都打瓜佢,最後只係堅唔堅持到落去,堅持到,你就係最終既勝利者!
呢D都係熱血既一種表現。